البلياتشو



انضم إلى المنتدى ، فالأمر سريع وسهل

البلياتشو

البلياتشو

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

2 مشترك

    خربها وقاعد على تلها

    mans7ester
    mans7ester


    ذكر
    عدد المساهمات : 352
    تاريخ التسجيل : 16/10/2008

    خربها وقاعد على تلها Empty خربها وقاعد على تلها

    مُساهمة من طرف mans7ester الإثنين نوفمبر 10, 2008 2:31 pm


    شوفوا بأه انا خلاااااااااااااااااااااص كفايه كده....الضرب فى الميت حررررررررررررررررررررررام

    الوزير ده لازم تعملوا ليه تمثال وتحطوه جمب طلعت حرب وتكتبوا عليه
    (خربها وقعد على تلها)

    ياجماعه ميصحش كده..مينفعش كده...فى وزير فى الدنيا كده؟؟؟

    الوزير اللى اقصده وزير:

    قصدى وزير(التربيه والتعليم سابقا) ...


    يجماعه الوزير ده افتكس شويه افكار واختراعات يتحاكم عليهم محاكمه عسكريه والله...هو التعليم فاشل من شويه...وعلشان محدش يقول انى بظلمه انا هشهدكو عليه ...خد عندك:

    على طريقه انور وجدى فى امير الانتقام (الاول)



    كادر المعلمين:

    افتكاسه ملهاش حل تنم عن عبقريه طاغيه تشابكت مع الوجدان الداخلى للبنكرياس فتشعبت واستقرت فى الامعاء !!!!حاضر اوضحلكوا:

    شوفوا انا اعرف ناس تربوين عن قرب يعنى وسمعت مهازل عن الكادر ده...افتكر ان مره كنت بكلم واحده صاحبة الست الوالده فى التليفون وسألتها:

    عملتى ايه ياطنط فى الامتحان؟؟(طنط مدرسة لغه عربيه فى مدرسه ابتدائى)

    قالتلى :اسكت دحنا غشينا غش !!!!

    محدش عرف يجاوب عن الاسئله انا مدرسة عربى يمتحنونى فى انجلش ورياضه كمان هفتكرهم دول ازاى؟؟؟؟

    ظهرت النتيجه ياجماعه وسقط فى امتحان الكادر 100 الف مدرس...


    (ياخساره خلصت تعليم المدارس دنا لو كنت فى المدرسه كنت هعمل عمايل لما اعرف ان المدرس بتاعى سقط والله مكنت اخليه يرفع عينه)



    على ايدك ياوزير الافتكاسات ممكن الطلبه تمسك المدرس وتقوله ياساقط يافاشل...والمدرس يحط عينه فى الارض مهو ساقط وبليد...

    واقعة مهداة لوزير التربية والتعليم: مدرس تاريخ رسب في اختبارات كادر المعلمين يكتشف نجاحه في مادة لم يمتحنها


    الثـــــــــــــــــــانى: نتيجة الطلاب هتتقسم مناصفه 50% على النشاطات طابور الصباح واللعب..و50% المواد الاساسيه:


    دا بأه لازم محاكمه اه والله يعنى لما كانوا 100% كان التعليم نافع والطلبه فالحين اوى؟؟؟ كمان رايح تقسم نصهم على الهيافات والتفاهات وطابور الصباح والتمارين الرياضيه والجرى فى الحوش وغنيلى غنوتين ياابله؟؟؟؟

    و50% على العلوم والرياضه والعربى والدراسات وغيره....شايف الطلبه اوى فالحين وعارفين المواد اللى عندهم علشان كمان تزودها اهمال وتخليهم فاشلين اكتر واكتر وبلاش مذاكره وتعالوا نجرى فى الحوش ونعمل تمارين رياضيه وعلوا صوتكوا ياولاد

    هوب يمين هوب شمال انشاء الله هننجح


    ..حسبى الله ونعم الوكيل...الله يمسيك بالخير ياد.زويل مش هنشوف حد تانى زيك....



    الثــــــــــــــالـث: الوزير ده يتكتب فى تاريخه انه فى عهده اتحولت المدراس لصالات افراح والطلبه ماتو فى المدارس على ادين المدرسين دا ولا اطفال غزه!!!



    تقولولى وهو ذمبه ايه هو موش مسؤل,,...اقولكوا لا مسؤل مش هو اللى اختار المسؤل اللى بعده واللى بعده اختار اللى بعده منظومه متكامله من الفساد واذا كانت الجذور بايظه اقل واجب الفروع تكون منيله....


    اقولكوا ايه ولا ايه دنا ميكفنيش فيه كلام....ياربى هو التعليم اصلا ناقص دحنا التعليم عندنا ماشى على عكازين هو اصلا احنا عندنا تعليم!!!!!!!!!


    ياجماعه حد يقيل الوزير ده قبل ميلغى التعليم اصلا.....


    وعلى رأى الفنان عادل ادهم:
    (انا الصباع اللى يوجعنى معالجوش ,, اأقطعه)


    حد يقطعه,,, قصدى يقيله بأه.....
    elzar
    elzar


    عدد المساهمات : 392
    تاريخ التسجيل : 16/10/2008

    خربها وقاعد على تلها Empty رد: خربها وقاعد على تلها

    مُساهمة من طرف elzar الثلاثاء نوفمبر 11, 2008 5:15 am

    santa santa santa مشكوررررررررررررررررررررررررر santa santa santa

      الوقت/التاريخ الآن هو الجمعة مارس 29, 2024 2:04 am